Бразил улсаас ирсэн хөл бөмбөгийн дасгалжуулагч монгол хүүхдүүдийг дасгалжуулах болсон тухай бид өмнө нь мэдээлж байсан. Хэрэв хөл бөмбөгт үнэнхүү сонирхолтой мөн авъяаслаг ирээдүйтэй хүүхэд байвал Солонгос улсын Про Лиг хэмээх хүүхдийн хөл бөмбөгийн клубт
Малчдад туслах тусч өдөрлөг болно
Бичсэн hurelchimeg Лхагва, 2010 Хоёрдугаар сар 03 18:33
Сайн дурынхан энэ сарын 6-нд “Service Party Day” төслийн хүрээнд малчдад туслах тусч өдөрлөг зохиох гэж байна.“Энхийн төлөө үйлчлэхүй” ТББ нь “Оюуны Эрэл” Оюутны холбоотой хамтран 2008 оноос эхлэн “Service Party Day” төслийг Монгол улсын хөгжил болон нийслэл хотоо цэвэр цэмцгэр, өнгө үзэмжтэй байлгахад бодитой хувь нэмэр оруулах, оюутан залуучууд ард иргэдийн ухамсар, нийгмийн идэвхийг дээшлүүлж, зөв соёлтой аж төрөх ухааныг нийтэд таниулан ухуулах зорилготойгоор тогтмол хийж эхэлсэн. Энэхүү төсөл нь одоогоор 9 удаа амжилттай зохион байгуулагдаад байгаа бөгөөд нийт 25.500 гаруй сайн дурынхан хамрагдан оролцоод байна.
2010 оны эхний буюу “Service Party Day-10” төсөл нь 2-р сарын 6-ны өдөр Үйлдвэрчний Эвлэлийн Соёлын Төв Ордонд 10 цагаас нээлтээ хийхээр болсон бөгөөд энэ удаагийн үйл ажиллагаа нь ихэнхи нутгаар өвөлжилт хүндэрч байгаатай холбогдуулан малчдад туслах, дэмжих хөдөлгөөнийг бүх нийтийн сайн үйлс болгон өрнүүлж байна.
“Service party day-10” тусч өдөрлөгт нийт 300 гаруй сайн дурынхан оролцож орон сууцны айл өрхүүдээр очиж хандивын эд зүйлсийг цуглуулах юм байна. Тэд танайд Энхийн төлөө үйлчлэхүй ТББ-ын хантааз өмсөж, мандат зүүсэн очих гэнэ. Мөн 2010 оны 2 дугаар сар 6-ны өдөр 10:00-16:00 цагийн хооронд МҮЭСТО-нд малчдад туслах хандивын зүйлсийг хүлээн авах гэнэ.
Нийгэм болон ард иргэдийн өмнө тулгамдаж байгаа асуудлыг шийдэх, хэрэгцээтэй зүйлээр туслан дэмжих энэ үйл ажиллагаанд Энхийн төлөөх байгууллагууд, Сайн Дурынхны Байгууллагуудын Сүлжээ, болон Нийслэлийн Захирагчийн Ажлын Алба, Онцгой байдлын ерөнхий газар хамтран зохион байгуулагчаар оролцож байна.
Мөн танд ч энэ үйл ажиллагааг дэмжин оролцох боломж нээлттэй бөгөөд цас зудын улмаас байгалийн хүнд нөхцөлд байгаа ахан дүүстээ цаг зуурын энэ хүнд бэрхшээлийг даван туулахад сэтгэл санааны болон өөрт байгаа зүйлсээрээ дэмжлэг өгч, тусламжийн гараа сунган халуун сэтгэлээ илгээцгээе гэж уриалж байна. 2 сарын 6-нд таны тусламжийг авахаар танайд очно. Очих чиглэлүүд нь 13-р хороолол, Сансар, 11-р хороолол, Бага тойруу, 40 50 мянгат, 5-р хороолол, Төмөр зам, 25-р эмийн сангийн урдуурх орон сууцны айлууд юм. Дэлгэрэнгүй мэдээллийг 96697951, 88700704, 70149994 утсаар аваарай.
Сайн үйлс бүхэн дэлгэрэх болтугай.
Энэ мэдээллийг хадгалж авъя!
