Бразил улсаас ирсэн хөл бөмбөгийн дасгалжуулагч монгол хүүхдүүдийг дасгалжуулах болсон тухай бид өмнө нь мэдээлж байсан. Хэрэв хөл бөмбөгт үнэнхүү сонирхолтой мөн авъяаслаг ирээдүйтэй хүүхэд байвал Солонгос улсын Про Лиг хэмээх хүүхдийн хөл бөмбөгийн клубт
Улсын хэмжээнд нийт 7204 хүнд үйлчилжээ
Бичсэн hurelchimeg Даваа, 2010 Хоёрдугаар сар 01 12:42
Өнгөрсөн сарын 14-нөөс 28-ыг хүртэл Залгамжлагч холбоо ТББ “Сэтгэлийн цай” арга хэмжээгээ улсын хэмжээнд амжилттай зохион байгууллаа. Монголын ирээдүй болсон өсвөр үе, залуучуудад бусдын төлөөх сэтгэлийг дадлагажуулах, бусдад үлгэр дуурайл болон үйлчлэх хүмүүжлийг төлөвшүүлэх зорилгоор энэхүү арга хэмжээг зохион байгуулдаг байна. Энэ удаа арав дахь жилдээ зохиосон бөгөөд үндсэн үйл ажиллагаа нь 28, 29-ний өдрүүдэд болсон. Энэ өдрүүдэд ард иргэдийн аюулгүй байдлыг зохицуулагч цагдаа, замын халтиргаа, гудамж талбай цэвэрлэж буй цэвэрлэгч нарт халуун аарц барилаа. Залгамжлагч холбооны гишүүд хүүхдүүдийн санаачилсан энэхүү арга хэмжээг жил ирэх тусам олон байгууллагууд, хамт олон дэмжин хамтарч ажиллаж байна. Нийслэлийн бүх дүүрэгт хүрч, сэтгэл гарган чанасан халуун аарцаа олон хүнд түгээсэн оролцогчид сэтгэгдлээ хуваалцахдаа: “Хэдхэн цаг аарц өгөхөд даарсан хүмүүстэй олон таарсан. Энэ хүмүүс яаж өдөржин бас өдөр бүр энэ хүйтэнд ажилладаг байна аа, ” гэж ярьж байсан.
Уг арга хэмжээг Дэлхийн энх тайвны төлөөх эмэгтэйчүүдийн монголын холбоо хамтран зохион байгуулж УБТЗ-ын ахмадын хороо, салбар зөвлөлүүд, “Оюуны- Эрэл оюутны холбоо”, Энхийн төлөө үйлчлэхүй ТББ, Олон улсын боловсрол сан, Дэлхийн зөн, Монгол тэмүүлэл - Сайхан Монгол орон ТББ нар дэмжин оролцжээ. Эдгээр байгууллага хамт олноос нийт 844 хүүхэд залуус хамтдаа хоёр өдрийн хугацаанд 4234 хүнд үйлчилсэн байна. Харин энэ үеэр Залгамжлагч холбооны хөдөө орон нутаг дахь салбарын гишүүд 2970 хүнд халуун аарц цайгаа түгээсэн аж.
Улс орон даяар сэтгэлийн цай “давалгаалахад” хүч нэмж ивээн тэтгэсэн “ЭБО ХОЛДИНГ” ХХК, “EVERYDAY” ХХК, “Хөгжлийн түүчээ” сан, “English Ease” сургалтын төв зэрэг байгууллагуудад талархал илэрхийллээ. Ташрамд дурдахад Залгамжлагч холбоо энэ оныг байгууллагынхаа хувьд “Суралцах жил” болгон зарласан байна.
Энэ мэдээллийг хадгалж авъя!
